koko

koko

Thursday, August 9, 2012

သီရိဓမ္မာသောက မင်းကြီး (Asoka)

အသောကမင်းကြီးအား မည်သည့်ခုနှစ်တွင်မွေးဖွားခဲ့သည် ဟူသော သမိုင်း အထောက်အထားမှာ ယခုထိ အတိအကျ မသိရသေးပေ။ ဘီစီ ၃၀၀ ခန့်ကဖြစ်မည် ဟူသော ခန့်မှန်းချက် များသာရှိသည်။ အသောက သည် အိန္ဒိယနိုင်ငံ၏ သမိုင်းတွင် ပထမဆုံးသော အင်ပါယာကို တည်ထောက်နိုင်ခဲ့သည့် စန္ဒဂုတ္တမောရိယ၏ မြေးတော်ဖြစ်သည်။ ဘိုးတော်၏ အင်ပါယာတွင် မပါဝင်ပဲ ကျန်ရှိသောအိန္ဒိယ နိုင်ငံ အရှေ့ပိုင်းနှင့် တောင်ပိုင်းအား ဆက်လက်သိမ်းပိုက်ရန် အသောကသည် ကြိုးပမ်းခဲ့သည်။

တိုင်းနိုင်ငံ ငယ်လေးများအား တိုက်ခိုက်အောင်ပွဲ ခံလာပြီးနောက် နန်းသက် ရှစ်နှစ်မြောက်တွင် အိန္ဒိယ အရှေ့ဘက်ကမ်းရှိ ကလိင်္ဂတိုင်း (ယခု အိုရစ်ဆာ ပြည်နယ်တွင်ရှိသည်) သို့ ၀င်ရောက် တိုက်ခိုက်လေသည်။ ကလိင်္ဂတိုင်းသားများက ရဲရဲဝံ့ဝံ့နှင့် ပြန်လည်ခုခံ ခဲ့သောကြောင့် လူပေါင်းများစွာ သေကြေပျက်စီး ကြရလေသည်။ သို့သော်ကလိင်္ဂ တိုင်းသည်လည်း နောက်ဆုံးတွင် အသောကလက်သို့ ကျရောက်သွားခဲ့သည်။

အိန္ဒိယနိုင်ငံနှင့် ဗုဒ္ဓဘာသာဝင် တုို့၏ စံပြုထုိုက်သော မင်းတပါးဖြစ်သည်။ အသောက မင်းကြီးသည် ခရစ်မတော်  မပေါ်မှီ ၂၆၈ ခုနှစ်တွင် အိန္ဒိယထီးနန်းကို ဆက်ခံခဲ့သည့် ဧကရာဇ် မင်းတစ်ပါးဖြစ်သည်။ သမိုင်းမှတ်တမ်းဝင် ဘုရင်များအနက် အောင်ပွဲရပြီးနောက် စစ်ကိုစွန့်ပယ်ခဲ့သော တစ်ဦးတည်းသော စစ်ဘုရင် ဖြစ်သည်ဟု စာရေးဆရာကြီး အိပ်-ဂျီဝဲလ် ကဆိုထားသည်။

စစ်ကို စွန့်ပယ်ခဲ့သော အသောကမင်းသည် ဗုဒ္ဓဘာသာ ကို သက်ဝင်ယုံကြည်ခဲ့သည်။ လူအများ သက်ဝင် ယုံကြည်လာစေရန် ကြိုးပမ်းခဲ့သော ပုဂ္ဂိုလ်ကြီး လည်းဖြစ်သည်။ အသောကမင်းကြီး၏ ဘ၀နှင့်ခံယူချက်များအား သူပိုင်သော နယ်မြေ အတွင်းတွင် ရေးထိုးထားသော ကျောက်စာများ တွင်တွေ့ရှိနိုင်သည်။
ထိုကျောက်စာ များအနက်မှ အချို့အား အိန္ဒိယနိုင်ငံ အနှံ့အပြားတွင် ယနေ့တိုင်တွေ့ရှိ နိုင်သေးသည်။ ဤကျောက်စာများ၏ ပထ၀ီ အနေအထားအရ အသောကမင်းကြီး ၏ နယ်ပယ် အကျယ်အ၀န်းကို နှောင်းလူများ ခန့်မှန်းခွင့် ရခဲ့ကြသည်။

အသောကမင်းကြီးသည် ဗုဒ္ဓ ၏ဓမ္မကို မိမိ၏ ဘာသာရေး ဒဿနအဖြစ် လက်ခံခဲ့ပြီးနောက် တိုင်းသူပြည်သားများအား မှန်ကန်သစ္စာရှိမှု၊ သနားကြင်နာမှု၊ အကြမ်းမဖက်မှု စသည့်တရား များဖြင့် အုပ်ချုပ်ခဲ့သည်။ တင်းကျပ်လွန်းသော ဥပဒေများကို လျှော့ချပေးခြင်း၊ တိရစ္ဆာန် ဘေးမဲ့ဂေဟာများ ဆောက်လုပ်ပေးခြင်း၊ လမ်းများဖေါက်ပေးခြင်း၊ ဆည်မြောင်းတာတမံ များဆောက်လုပ်ပေးခြင်း စသည်တို့ကို တိုင်းသူပြည်သား များအတွက် ဆောင်ရွက်ပေးခဲ့သည်။

 နိုင်ငံအနှံ့အပြားတွင် ရေတွင်း၊ ရေကန် များလည်း တူးဖေါ်လှူဒါန်းခဲ့သည်။ အထူးခြားဆုံးမှာ တစ်ခြားဘာသာ များအားလည်း လွတ်လပ်စွာ ကိုးကွယ်ခွင့် ပေးခဲ့ခြင်းဖြစ်သည်။ နိုင်ငံခြားသို့ ဗုဒ္ဓဘာသာ သနာပြုများလည်း စေလွှတ်ခဲ့ပြီး သီဟိုဠ်ကျွန်းတွင် ဗုဒ္ဓသာသနာ အထူးပင် စည်ပင်ဖွံ့ဖြိုးခဲ့သည်။
ဘီစီ ၂၂၆ တွင် အသောကမင်းကြီး ကွန်လွန်ခဲ့သည်ဟု အချို့သမိုင်းမှတ်တမ်းများတွင် ဖေါ်ပြကြသည်။

စာရေးဆရာကြီး အိပ်-ဂျီဝဲလ်က သူရေးသားသော (Outline of History) ဆိုသော စာအုပ်ထဲတွင် အသောက မင်းကြီးအား ဤကဲ့သို့ ချီူးကျူးပြောဆိုထားပါသည်။

မဂဓတိုင်း၊ ပါဋလိပုတ်ပြည်တွင် မောရိယ မင်းဆက်ဖြစ်သည့် အာသောကမင်းသည် ဒေ၀ါနံပီယတိဿဘွဲ့ အမည်ဖြင့် ကမ္ဘာပေါ်တွင် အထင်ရှားဆုံးမင်း ဖြစ်လာခဲ့သည်။ သာသနာတော်သန့်ရှင်း တည်တံ့ပွားများစေရန် ရှင်မဟာမောဂ္ဂလိ ပုတ္တတိဿ မထေရ်အား သံဃာနာယကအဖြစ် တင်မြှောက်ကာ ဆွမ်း၊ သင်္ကန်း၊ ကျောင်း၊ ဆေး ပစ္စည်းလေးပါး ဒါယိကာအဖြစ် ခံယူ၍ တတိယ သင်္ဂါယနာတင်ပွဲကို ကျင်းပခဲ့လေသည်။

သာသနာနှစ် (၂၃၅) နှစ် ကြာပြီးနောက် ပါဋလိပုတ်ပြည်တွင် မိစ္ဆာအယူရှိသော ရဟန်းအတု (၆၀၀၀၀) ကျော်အထိ သာသနာ အတွင်း အယောင် ဆောင်ပြီး ၀င်ရောက် လာကြသည်ကို အကြောင်းပြုပြီး တင်ခဲ့ ရသည်။

အရှင်တိဿမထေရ်ကြီး ဦးဆောင်သောရဟန္တာ (၁၀၀၀) ပါသော သံဃာထု သီရိဓမ္မာသောကမင်း၏ မင်းထု နှင့် သာသနာဝင်များ ပြည်သူလူထု စသော ထု (၃) ထု ပူးပေါင်းပြီး နှုတ်ထက်အက္ခရာ သင်္ဂါယနာ တင်ခဲ့ရာ အချိန် (၉) လ ကြာမြင့်ခဲ့သည်။

အယောင်ဆောင် ၀င်လာသော ရဟန်းအတုများအား စိစစ်ပြီး လူဝတ်လဲစေခြင်း သာသနာတော် မှ နှင်ထုတ်ခဲ့ခြင်း တို့ဖြင့် သာသနာတော် ညှိုးနွမ်း နေမှုကို ပြန်လည် ထိန်းသိမ်း စောင့်ရှောက်ခဲ့ကြပေသည်။
ဗုဒ္ဓမြတ်စွာ ဟောကြားေ တ်ာမူခဲ့သော ဓမ္မတရားတော် များကို (ဓမ္မစေတီ)စုပေါင်း ရွတ်ဆိုသည့် သဂါင်္ယနာတင်ပွဲကို ကျင်းပပြုလုပ်ခဲ့သည်။

သီရိဓမ္မာသောကမင်းသည် သင်္ဂါယနာ တင်ပြီးနောက် ကိုးတိုင်း ဌာနသို့ သာသနာပြု အဖွဲ့များစေလွှတ်ပြီး အကြီးမားဆုံးသော သာသနာပြု လုပ်ငန်းကို ကမ္ဘာအနှံ့ ပြုလုပ်ခဲ့ရာ ကမ္ဘာ့အင်ပါယာ တစ်ခုလုံး၏ (၅) ပုံ (၄) ပုံသည် ဗုဒ္ဓသာသနာတော် လွှမ်းမိုးခဲ့ရသည်။

သိဒ္ဓတ္ထကုမာရ သုို့မဟုတ် မြတ်ဗုဒ္ဓ *"۩"*
ဗုဒ္ဓမြတ်စွယ်တော်၏ သိပ္ဗံတွေ့ရှိချက် *"۩"*






သီရိဓမ္မာသောကမင်း တည်ခဲ့သော ကျောင်းတော်များ *"۩"*
သီရိဓမ္မာသောကမင်း အင်ပုိုင်ယာ  *"۩"*


ဗုဒ္ဓဘာသာဝင် တုိုင်းရင်းသား ညီအကုိုများအား စုစည်းတင်ပြလုိုက်ရပါသည်။


ချစ်သော စာဖတ်ပရိသတ်ကြီးအား အစဉ်သဖြင့် လေးစားလျှက်  

"۩"